Астанамыздың сол жағалауындағы Конгресс-ортылығы төрінде өткен сән-салтанат табыстау рәсімінде оқу үрдісін сәтті аяқтаған түлектер мен олардың ата-аналары үшін гала-концерт және қызықты шоу-программа ұйымдастырылып, университет ректоры және ұжымы атынан құттықтау сөздері айтылды. Ректор түлектердің алдағы кәсіби өміріне сәттілік тілеп, ізгі тілектерін жолдады.
Жоғары білікті IT-кадрлар “Computer science”, “Big Data Analysis”, “Cyber Security”, “Smart Technologies”, “Media Technologies”, “Software Engineering” және “Digital Journalism” білім беру бағдарламалары бойынша сапалы білім алды. Олардың қатарында болашақ мобильді қосымша, сайттар және бағдарламалар әзірлеушілер, инженерлер, деректерді талдаушылар, ақпарат қорғау мамандары даярланды. Бұл маман иелері тек программалау тілдерін қолдануды біліп қана қоймай, деректер базасын өндіру және олармен жұмыс жасау, талдау, медиа ақпараттарды шығару және жекелендіру, кәсіби процесстердің өнімділігін арттыру үшін цифрлық платформаларды баптау сынды салаларды да игерді.